قولوا امين
قالوا عواف قولت عوافين
لقيت بعيش بين الناس بوشين
حتى العواف بقا لغة الكدابين
وبسائل الناس العوف لمين
اصلاها ضاعت وما نعرف فين
والقلب صار مكسور وحزين
جانى الجواب فى نظرة المقربين
كله بيقول انا وغيرى شين
السلام اصبح برموش العين
يا وكسه عليكم يا بشر يا تيهين
سبتم الحق وبالباطل مشغولين
ليه نقول للظالم بدل العوف اتنين
احنا اتحرقنا بالاسعار بدل البزين
وذاد المصروف وذاد معاه الدين
والكل محلك سر وادينا وقفين
يشهد عليا ربنا ما هقول عوافين
لكل من نافق واعتبرنا مغفلين
فوقوا يا ناس وخليكوا صحين
يمكن يجي الخلاص قولوا امين
محمد الصيرفى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.