وبعدين يازمن
عبدالمنعم عدلى..مصر
وبعدين معاك يازمن
صبرت عليك كتير
هو إنت مابتحبش التغير
صابر عليك
وإشتريت للصبر قناديل
وأنا بأسهر
وياك كتير
عشمان فيك
والعشم مش كتير
إتغير شويه
فى حالك
وحب التغير
صابر عليك يازمن
وأنا صابر
على حال
من قبل الزمن
مايغير حال
وقول لى يازمن
مين هيغير حالك
راض أنا بحال
بس إنت مين
هيغير حالك
الناس إتغيرت
ولبست وشوش كتير
وإنت واقف يازمن
تتفرج وإنت أسير
وبكاءك سيح
جبال الصبر كتير
إنهض يازمن وإتغير
قبل ما بجف
حبر القلم
وتعيش أسير
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.