عليا بالله ياحلوة
انتي اجمل الفتيات
يا ام عيون
غرقانة بلون الزرع
والسموات
وشعرك خيوط من دهب
مزينة حلا الرقبات
وشفة كمان اصفي
من طعم المية
ف البحيرات
مشية حلوة بتتهادي
كنها موجة من الموجات
وحرير صوابعك ملبن
وف الخد اقول آهات
قولي منين انتي
ياست الحسن والبنات
ياام ريحة معطرة
معجونة بأروع الوردات
قولي اي ارض مبستنة
طرحت فيها دا النبات
لعينك هنوقف الزمن
ونحرق جوانا السكات
ونسكر بنظرة بلاخمرة
ونأسر من الليل لحظات
دا لاعمرنا رأينا ف جمالك
ولا لمحنا زي دي صفات
واحلي مافيكي كسوفك
ويزيد لهيبي دي الحركات
منين انتي قولي ؟
يارادة القلب بعد مامات
من بلاد الفرس
ولا الفرنس
ولا من بلد الفرات
من الخليج
ولا بعد المحيط
ولا من مصر ام
الحضارات
خلطوا كل دا سوا
طلعتي انتي
اروع الزهرات
تسمحيلي الليله
انا وانتي
نرجع اللي فات
بس استني
اسمك ايه انتي ؟
قولي فين روحتي ؟
طلعت ياناس خيالات .!!
.. بقلم / محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.