حبيبي وللا القمر؟ بقلم سعيد بلال

حبيبي وللا القمر؟

كلمات ل سعيد بلال

♡♥♡♥♡♥♡♥♡♥

حبيبي ياللي القمر بيْغِير من ضَيَّكْ

والشمس تِعْمِل عَمَايِل علشان تِحَاكِيكْ

لَفِّيت كلّ البلاد ما لقيت فيها زَيَّكْ

وشوفْت المحاسِن كلها مِتْجَمَّعة فِيكْ

العسل بياخُدْ حَلاوتُه من حِلْوِ شَفايفكْ

والورد ياخُد عبيرُه مِن بين أياديكْ 

جَمال وخِفَّة ودَلال وطِيبة حَنان قلبَكْ

بَسْمَة رقيقة ونَظْرَة مِ الكَحِيلة عنيكْ

كانت سبب للكل يمشي في نور ضَيَّكْ

وسبب قلوب كل البشر مِتْعَلَّقة بيكْ

ياما نفسي انولِ الرِّضا وأكون رفيق دَرْبَكْ

واعْمِل كلِّ الْمُحَال علشان أراضيكْ

أعيش حياتي هَنَا وسَعادة في قُرْبَكْ

وتكون حبيبي لِي ، وأكون أنا ليكْ

#سعيد_بلال

السبت 29/9/2018