لو حكيتى
متنسيش تقولى الحكابة
وسط البداية والنهاية
قولى كنا بنتواعد ونتلاقى
ونقول كلام مالوش معنى
مالوش طعم مش طالع من القلب
حتى النظرة من عيون حيرانة هربانة مليانه كدب
ده كان حالك مش حالى
مكنتيش بتردى على سؤالى
ولا حتى كنتى بتغنى موالى
حتى جواباتك كانت مجرد حبر
لكن انا كنت بكتبها بحروف من تبر
بكل احساسى ومشاعرى بتملى الكون بابعاده
لكن انتى احساسك ومشاعرك متتعداش مجرد شبر
قولى حبنا كان وقت فراغ تمليه
قولى نزوة قولى وهم كنا عايشين فيه
قولى الحقيقة متكدبيش
قول اللى كان متغيريش
اختميه بيوم الفراق يوم من غير وداع
قولى مين اشترى ومين اللى باع
مين اللى خان ومين اللى ضاع
قولى الحقيقة متكدبيش متغيريش
ده باينه زى الشمس مش مجرد شعاع
بقلمى وارتجال/ مصطفى عبد النبى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.