الإنسان
من عهد آدم كنا وكان
الانسانية ليها عنوان
حب ومودة وخير وسلام
بفطرة ده خلقها الرحمن
القلب عطف ولين وحنان
واخوك تساعده فى اى مكان
غنى يساعد بالإحسان
فقير ظروفه تعب وهوان
قوى يشيل وبكل حنان
مريض ومقعد ايا ان كان
والاحترام موجود بعلام
بدون لا من وكتر كلام
والحب كان فيض من بركان
بإيثار ورقة وبحر حنان
عاشق يناجى حبيب ولهان
يخلص له بمودة وجنان
صفات وكانت للإنسان
دلوقت باعها فى كل مكان
طبعا بنسبة تفوق بكلام
طب ليه ده اصبح كده حيوان
وكتير تحول بدون حسبان
تدمير وقتل وسرقة كمان
فساد وظلم وزور بهتان
والقوة معناها العدوان
والعدل قلبوه بالميزان
شباب بتدمن كده إدمان
والكل عايش فى التوهان
دلوقت غش وكذب كمان
وقتل المشاعر بقى عنوان
طب ليه بعدنا عن الرحمن
أحيان يقولوا حقوق حيوان
والعطف يظهر كده بحنان
طب فين حقوق معدم إنسان
والظلم من أخوه الإنسان
قتل المشاعر بالعدوان
للإنسانية دمار وهوان
يا رب يا عالم بالحال
انقذ فقير معدم عدمان
من ظلم ده أخوه الإنسان
ده الحال بيتبدل عن حال
فى كل شكل وكل أوان
الإسم يعنى كان إنسان
والفعل غابة من الحيوان.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.