قالوا زمان
امشي تشوف
لف الدنيا واللي يلف
ياما يشوف
عنتر كان أبسط مايكون
شكله عادي
عشته عادي
سر حكايته كانت في الوادي
عايش تحت أي ظروف
لمابيعشق كان يتحول
بركان شعر جوه مشاعر
كل مشاعره تبقي حروف
لكن مش أي حروف
وهناك عبلة مسحوره بشعره
مجنونه بعشقه
كل غرامهم علي المكشوف
----------------------------
من هنا كانت بدايه
كل عاشق عاش حكايه
مره يبعد
ومره يعند
كل يوم يبديءبشمس
واخرته غروب نهاية
الحروف نفس الحروف
عاشق متيم
وألف عاشق ملهوف
عاشق مات من كتر عشقه
وعاش مات من كتر خوف
نفس الحقيقه
حقيقه واحده
فيه الف عنتر
وفيه الف عبلة
والحروف نفس الحروف
واللي يلف ياما يشوف
وانا راح اقولها
من غير تزويق
حب واعشق من غيرخوف
إكسر كل حواجز حزنك
وانسي غرورك
اوعاك تلعب دور غير دورك
اوعاك تخسر لحظه في عمرك
تكون بحنين
أو تحسب حبك بمشاعر
مسجونه بشويه قوانين
ده يصح وده مايصحش
جرب عيش عيشه المجانين
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.