بيعي زي ماانت عاوزه
واكسريني
وغلاوتك لاديك جايزه
بس تمنها غالي والله
تمنها كان لحظه يقيني
بتقولي ايه
جي دلوقتي تقولي ليه
كل مااقرب لقلبك
لحضنك
لمسه شفايف
والله اناقلبي خايف
لتكوني بارده
والغرام والاشتياق
مالكيش فيه
والله لو باعوا غرامك
من غير حروفي
متلاقيش اللي هيشريه
لو جابوا كل الاحبه
والاطبه
والكتاب المشهورين
والمغمورين
عمرهم زي ماهيكتبوه
بيعي زي ماانت عاوزه
غالي حتي أو رخيص
ياما بعت كتيرعشانك
اخرة السباح مات غطيس
ياما كتبت حروف عشانك
العروسه قاعده تحكي
قالوا ايه مات العريس
بعترفلك وعلي الملا
اتخدعت
ياما كنت أرق شاعر
للأسف بس اتكسرت
ياما رسمتك بين ضلوعي
احلي ملامح جوه صوره
ارقي مشاعر
وحتي احساسي كشاعر
مجرد بروازلصوره
بيعي زي ماانت عاوزه
بعترفلك وبامانه
بعترفلك صوت وصوره
يلا روحي ونزليها
غطي نهايتنا بستاره
في النهايه كسرت قلب
خدعتيه بس بمهارة
واكتبي اسمي في لوحه
وعندموتي ازرعيها
وقولي ده كان شاعر
مات من كتر الشطاره
احمد عبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.