نص بعنوان.../ البيت المهجور
بقلم ..../ الشاعر عاطف بيومى محمد
انا كُنت بشوفِك زمان
ملاك وِسكنه طاقه نور
بيخُدني من سكه الضلمه
لطريق كله مليان زهور
الورد بينبت فى الصحرا
والهوا بريحه العطور
دلوقتى انا نفسي بَشوفِك
عبارة عن بيت مهجور
بسمع في صدى صوتي
وبترد عليه الجدور
حيطانه بقت متشققه
وبيبانه كلها كسور ...
مبقاش فى حاجه تشوق
وشكله بقي يقبض الصدور
معلش ظلمتك يا قلبي
حق الصادق تملى مهدور
كنت شايفو بيت أحلامك
اتاريه كان بيت مسحور
والغدر فى الحياه واقع
مش بس فموج البحور
مسيرك يوم وهتفارق
حتي الشجر بيهاجرو العصفور
وانت طول عمرك بتحافظ
قد ايه انت كنت صبور
كنت عاشق طبعك مسالم
والمسالم ملوش فى الدنيا دور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.