لا تقلقي ايتها النفس
الكتير معدب ومكرفس
كاين اللي عاطياه وهو تيفرس
وكاين اللي مزوي وقاطع الحس
وكاين اللي معندو وجه غير غادي ويلحس
وكاين اللي كان زوين و دبا فلس
والله فكرتي مزيان ماتقد تنعس
شي ياكل اللي تشهى وشي ها العار يلقى العدس
بلادنا من اجمل البلدان لكن هالجنازة هالعرس
وبنادم الى قال الحق يقولو له اش تتخربق وتدحس
وبزاف اللي ريحتو تشمها تولي تعطس
والى عرفتي سياستو تقول خاصو الحبس
الله يجازي كل هزاتو النفس
والله ياخد الحق فاللي الحرام غاطس
والسهلي الحر منين يمر كاين وجوه النحس
تحياتي لكم الحمراوي احمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.