،،،،،الظلم،،،، ،،،،ايمان السعيد،،،،،

ليه تتسرعوا يا بني ادمين
تخدعوا وتبيعوا في غمضه عين
مش ممكن انتو مش فاهمين
لظروف غيركم مش حاسين

حكموا. عقلكم قبل الظلم
والتمسوا العزر وابداو بالسلم
القوه في الصبر وفي الحلم
اوعوا الظلم. بدون علم
اسأل. وأعرف. وأستفسر
وأوعي أبدا تستخسر
أنك تسامح وتقدر
ودايما تحاول تعزر
ممكن لما الحق يبان
تطلع أنت الغلطان
بعد ماكنت انت الزعلان
تتأسف وتكون عشمان
ان يسامحك الي ظلمته
وبدون قصد اكيد هنته
أوعوا الظلم مهما سمعتوا
أصعب أحساس فالدنيا عرفته