___________ زمن الإنحلال ________
الحب في زمن الإنحلال
لا له مباديء ولا أصول
الكل بيجري ورا المال
وميهمهوش أي ميوول
لا مشاعر ولا إنشغال
ولا قلب يحس ويقول
الحب في زمن الإنحلال
خرب بيوت ودمر عقول
والكتاب عندنا متشال
مين بيقراه ومين بيقول
ومش لاقيين راحة البال
والغفلة واخدانا فصوول
وتايهيين يميين وشمال
وبقت حياتنا كلها فضول
الحب في زمن الإنحلال
بقي تجاره بلا مدلول
بيت من غير اساس مال
والخساره عددها مجهول
والإنحراف أخرته أهوال
ويبقي الواقع مذهوول
والإحتكار في كل مجال
والأمل عايش مغلوول
والحب في زمن الإنحلال
مش لاقي له أي حلول
حزنه بقي أعلي من الجبال
ونبض قلبه بقي مشلوول
خلاص علي حافة الترحال
وبستانه في حالة ذهوول
لما شاف السهل بقي محال
والصبر فاضت دموعة سيول
______________________________
............... حسن الشوان ...............
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.