غمض عنيك *** بقلم السيدابوطاحون
*********
غمض عنيك
وارسمني
في صورة الفرح
قلب
وسهمك
جه في قلبه انشرح
ولما شاف اللي ف عيونك
مسك القصيده
وقام شرح
والمسك جود
واقترح نتوضى
في بحر المرح
غمض عنيك
رجعنا لايام الصبا
نظرة عنيك
لمسة ايديك
والقلب بيدق
دقات مرعبه
وملهلبه
تتقطع الانفاس
واحنا قاعدين
في الحديقه
في بداية الموهبه
غمض عنيك
رجعنا لأيام
الجمال
والقلب داب
في الدلال
ورج أوتاد
الجبال
دا مش خيال
افتح عنيك
وبأعلى صوت
ومن أعلى جبل
اصرخ
بحبك
بموت فيك
وأنت الامل
كل الكنوز
ما تساوى
نظره
من عنيك
خلينا نبدأ من جديد
ما تقلش
جايز .. محتمل
وقول اكيد
*********
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.