ممكن اكتب وصيه قبل موتي
قبل ماتموت حروفي
قبل ماتعشق سكوتي
كل يوم اقري كل ماكتبت
حسي نبضي
حسي روحي
حسي اني رغم موتي
اني كنت
وكنت
حسي اني مازلت
بس وصيه مني ليك
زي ماكنت في حياتي
اغلي حاجه
كل حاجه
متخليش نفسك في حاجه
دوري بس في كتابي
هتلاقيني
بكتبك كل يوم من جديد
وهكون سعيد
انك احلي ماكتبت
ولولا انك في حياتي
ما كان الهوي
لولاك انت ماكنت
احمد عبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.