? أنا مين...
الشاعر محمد ضباشه
-------------
أنا مين ما أعرفش
ويا نفسي أبقي مين
عصفور يغرد للوطن
ولا دمعة في الليل الحزين
ولا أيه ولا أيه
ما تطمنيني أنا أبقي مين
الحلم محبوس سنين
جوه سراديب الهموم
وليه كل ما أطلع أقع
ما أقدرش أقوم
غرقوني في بحرهم
وأنا يمهم ما أعرفش أعوم
يمكن هموم
ولا جحيم بركان
وكل ما أصرخ ألم
أجري في كل مكان
ألقي الحقيقة بتتظلم
علي مقصلة إعدام
وحبل المشنقة ملفوف
أبكي وأقول يا سلام
ودمعي يغرق بلد
والناس تقول يا حرام
ونهار مخنوقة ابتسامته
من كتر هم السنين
هو كمان بيسألني
? أنا أبقي مين
غريب علي أرضي
ولا أنا فين
تاه الجواب توهتي
وتوهت أنا وياه
كل اللي فاكره أنا
ما أعرفش ليه بنساه
نزل حضني
ومن خوفه أخدني معاه
يمكن شايفني سراب
أو حاجة ماتت جواه
أو يمكن رسالة
وعنواها البريد مالقاه
دليني يا نفسي
ازاي أعيش لي يومين
ألقاك فيهم وتلقيني
في بحر حنين
مش كل ساعة أسألك
? ازاي وأمتي وفين
ألاقي طلة قمر
أو أيد بتعرف لين
أو شمس تشرق أمل
علي حارة التايهين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.