أغنية...أه بقلم الشاعر /علي الطاووس

أغنية...أه

نقر عصفور الغرام بمنقار...

علي شيش الشباك...

قومتله روحتله و قولتله...

أه بتقول أه...

حبيبي بعتك ليا مرسال...

و بوسه علي خدي كمان...

بقي يا عصفور الغرام...

ده أسمه كلام...

من بعد طول الغياب...

و سهر ليل مليان عذاب...

و ظنون تاخد حنيني و طوياه...

ما بين فرحه و صرخة ألأه...

قلبه رء كده ليا و مال...

طب روح قوله يا عصفور الغرام... 

دنا قلبي عمره ما نساه...

و كل دقاته...

بتفكرني باللي كان...

و ليالي حب و غرام...

و همس بينا و لا همس العشاق...

و هو يقول و انا اقول وراه...

من المسا للصباح...

و مسكت يد بطرف الصباع...

ياه ياه ياه علي دي أيام...

قبل ما العزول يحسد...

و من قصتنا يغار...

و ينقل بينا في كلام...

ما قالهوش فينا لسان...

و لكن عاصفة الغضب...

غلبت علي المشاعر و ألأحساس...

و كل واحد فينا راح...

في طريق النسيان... 

و رياح الأشتياق...

أهي رجعتهولي من تاني معاك...

و رجعت ليا كل الذكريات...

فا أه بتقول أه...

يا عصفور الغرام... 

حبيبي بعتك ليا مرسال...

و بوسه علي خدي كمان...

بقي يا عصفور الغرام...

ده اسمه كلام...

طب روح قوله...

إن قلبي عمره ما نساه...

مع تحيات شاعر الوجدان الشاعر السكندري /علي الطاووس