((( يا خسارة )))
يا خسارة وميت خسارة
على كون طافح مرارة
ومغطينا بقذارة
وإحنا فيه متباعين
****
يا خسارة وميت خسارة
قدروا بصبر وجداره
ينهشوا فينا البكاره
ويدوسوا المسلمين
****
لما يكونوا الزناه
دايسين فوق الحياه
وبيحنوا في الجباه
قولي إحنا نبقا مين
****
لما يجينا الخبر
ان الاسلام جبر
وان الكل انجبر
لقرارهم اللعين
****
لما تلاقي النصارى
والمسلمين حياري
عايشين زي السكارى
بالهم محصورين
****
لما تلاقي الشباب
بيعيش الاغتصاب
شايف نهش الكلاب
في عرضنا والدين
****
لما الحكام بتوعنا
بيكسروا ف ضلوعنا
مستكترين دموعنا
ع الاقصى و فلسطين
****
لما النخوه يبيعوها
والوحده يمرموطوها
والدقن يسلموها
لعتاة المجرمين
****
لما الخنازير تقول
ويبقا قولهم أصول
واحنا زي العجول
ورا شلة ملحدين
****
لما يكون الكلام
معصور عاصر الام
وماعدش فيه سلام
وبقينا مِثل مين
خالد موسى السيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.