____________ زفيرك ياسميني _______
تعالي في حضني
خديني ضمييني
ليه مشاعرك دبلانه
صحي جوايا حنيني
اللي مشتاق لهوانا
ومن عز نومي صحيني
لو قسي علينا شتانا
ومن مشاعرك إسقيني
رحيق ورقة صفا
ومن البرد لميني
خليني أحس بالدفا
ومين غيرك يأويني
ويسمع إحساسي
ويقرا كلام عيني
وحروف كراسي
وأنفاسك تشجيني
وأتووه عن أساسي
ونظراتك تغرييني
وأنسي الكل عشانك
ولمستك تحييني
وماشبعش من حنانك
وعطف قلبك يناديني
والقاني علي أغصانك
وعطر زفيرك ياسميني
يروي فل بستانك
وقبل ما أنطق تسمعيني
والقا أسمي على لسانك
في أي مكان تلاقييني
ومستحيل أهجر مكانك
حبك بيسري في شراييني
وإحساسي في شريانك
إنتي الحب الأول والتاني
اللي جمع كياني بكيانك
مستحيل نبعد عن بعض
عشان حبنا رباني
وعمرنا ملدوم ببعض
ومفيش حد فينا أناني
ومين ح يودع مين
وعلي الذكريات يعيش وحداني
________________________________
......... الشاعر حسن الشوان.....................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.