برسم على كفى اليمين احلامى
فى وسط شجر وورود ايامى
صحيح الورد بالشوك متغطى
لكن الوانها عن شوكها وخدانى
حقيقى ان الخيال بينقلنى لعالم تانى
واحب اعيش تفاصيله بكل كيانى
وانسج عليه فرحه توارى احزانى
لكن حيفضل خيال وامانى
انا فاكر لما كنت اقول فى وصف حالى
وانى قائم لوحدى بدور البطوله
وف خيالى عايش طفوله
ابنى بيها على الرمل قصور مهوله
وبلمسه وحدها اهدها فى اعلان رجوله
اشوف امامى مهما اتسدت سعاده
واحلام دايما اكون فى الرياده
مادد ايدى بقطف زهرة حياه
بقطف امل وسرور بقطف نجاه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.