(صديقي)20/1/018
لا تتقلق لاتعادي
كنشعر بيك
مانكدب احساسي
نتمنا تنساني
تخليني في حالي
كلامك اوصل كله معاني
مخاصمني هز همي
راسي خاوي
انت وحدك داوي
للقتيه عليه تشكي
طيبت لي قلبي
ماعرفتك اهبيل ولاهداوي
كنت اعزيز وغالي
كنت احبيب
وليتي واحد من عدياني
عارفك اش خاصك
خاصك نكون رهن اشارتك
هاديك عمرها لكانت لك
اسمعني اجمع راسك ادخل سوق راسك
مامسالي ليك ولا لغيرك
الاحترام نحترمك ونحترم غيرك
من ناحية الانسانية
الاخلاق الاسلامية
الصحبة لعداوة
حالة واش من حالة
احسبناك من دوك الرجالة
اخرجت حرطاني لابس انعالة
اشحال قدك راجع نفسك
بالقلب لكبير انسامحك
وعد منك لا ترجع لعوايدك
مرحبا بيك اهل الجود مايضيقو بيك
احضي راسك
من ارعاون في الحزة يخويو بيك
هادي نصيحة مني ليك
اعقل عليها حللها ديرها خلقة في ودنيك
كلام الحق عليه ماتتقلق
كن صريح واجه لاتنافق
بقلمي محمدالبراقي الحسناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.