دعوه للحب بقلم الشاعر /علي الطاووس

لقد أطلقت منذ يومين دعوه للحب 

لنجعل من سنة 2018 سنة الحب

و ها أنا ذا أطلق اليوم دعوه أخري

دعوه للعشاء (خربتم بيتي منكم لله)

أغنية...دعوه للعشاء

أحلام اخد حبيبتي و نتعشو هناك...

علي شط بحر لوحدينا...

أنا و هي و الأحلام...

حبيبتي تسمحيلي ادعوكي للعشاء...

و ما تخفيش ما تخفيش...

مش ح يكون أبدآ هو ده العشاء الاخير...

ده بدايه للهوي اللي بينا بداء يطير...

و قلوبنا فتحاله كل الشبابيك...

و مشاعرنا هايمه فيه...

و بعد العشاء أرجوكي ارجوكي...

خليكي ما تمشيش...

ده قلبي ح يحط دلوقتي علي لساني...

بكلام حب ليكي كبير...

و إذا يا حبيبتي غلبك النعاس...

رموشي ليكي سرير...

و خدودي اعمليها أنتى...

ليكي مخدات حرير... 

و نامي و أحلامي يا حبيبتي...

با أيام حلوه جايه مليانه حنين...

و أنا ح اهمسلك في وجدانك و ودانك...

و اكملك احلامك...

بصور قلبك ح يبقي بيها سعيد...

و خليكي كده نايمه علي صدري...

و سبيني انا اقضي ساعات و ساعات...

و أنا باصص في عيونك الحلوين دول...

ده واخدنى الصفا فيهم...

و أنا فيهم غريق...

و أنتي اسمعي...

دقات قلبي...

و لوعتي حبي...

و دقاته بلحن حنين...

اللي من بين ضلوعي...

نحيتك عايزه تطير...

و توصل لصميم قلبك...

و لا تفتهوش تاني في سنين...

و قبلات ليكي...

تبرهن علي وجداني و شوقي...

و احلام أحلام في عقلي كتير...

اللي اتمنتها انا في الليله دي...

اني اخدك علي شط بحر مش بعيد...

و أقعد معاكي و مع قلبك...

الجلسه دي من سنين...

و عطف عليا أخيرا زماني...

و جابك لتشوفك العين...

و ايدي تلمس خدودك...

اللي الحرير منها بيغير...

و تملي بتحب ايدي تلمس تلك الخدود...

لتنقلك حبي ليكي و بوجداني اغطيك...

و عبير خصلات شعرك...

اللي لامسه كتافي...

و مخليه الجو من حوالينا...

و لا في الأساطير...

و أنا شهريار في زمانه هايم سعيد...

و الصمت بينا ح يكون هو لغتنا...

اللي بنتكلم بيه...

أنا و أنتي يا حبيبتي...

بنتفاهم بلغة الرموش و العيون...

و التنهيده اللي طالعه من صدرك...

و صدري هما أصدق تعبير...

علي حب و عشق...

شيلناه جوا القلوب...

فا يا حبيبتي...

تسمحيلي ادعوكي للعشاء...

و ما تخفيش ما تخفيش...

مش ح يكون هو ابتداءا العشاء الأخير...

ده بدايه للهوي اللي بينا بداء يطير...

و قلوبنا فتحاله كل الشبابيك...

و مشاعرنا هايمه فيه...

دي أحلام ياريت منها ما افوق...

يا قلبي عزائي ليك...

إن حبيبتك هي كمان بتحن ليك...

مع تحيات شاعر الوجدان الشاعر السكندري /علي الطاووس