قصيدة { إعمل لها شير }
………………………………………………………
للدكتور/خالد عبدالحميد خربوش
مناشده للساده المسئولين لتوفير مكان يصبح مقراً للمركز الرئيسي لرابطة الزجالين وكتاب الأغانى بالقاهرة.
••••••••••••••••••••••••••••••••••
للزجالين واللي بيكتب
أغنيه كمان
فيه رابطه تجمعهم لكن
محتاجه مكان
مع انها لـ أعلى ثقافه
هيَّ العنوان
لكن نصيبها تكون دايمًا
خارج التفكير
أرجوك ياقارئ لقصيدتي
إعمل لها شير
••••••••••••••••••••••••••••••••••
ولاتحاد نقابات ضامم
شباب العمال
تحيه لإتاحته حقيقي
للرابطه مجال
مخصصين لها إسبوعي
يوم يمشي الحال
وليه مايبقاش لها مطرح؟
محتاج تفسير
أرجوك ياقارئ لقصيدتي
إعمل لها شير
٠•••••••••••••••••••••••••••••••••
تلاتين سنه القرن الماضي
منشأها قديم
[١٩٣١م إنشاؤها]
في القاهره إسمها لامع
مافيهوش تعتيم
وبنلتمس فيك يامحافظ
هذا الإقليم
تجود بـ مبنى دا- ح يكون له
أعظم تأثير
أرجوك ياقارئ لقصيدتي
إعمل لها شير
٠•••••••••••••••••••••••••••••••••
وممكن اعلى بأحلامي
مسموح إن جاز
ولما تتحقق يصبح
أكبر إنجاز
لأني أعلم على قلبك
الناس دي عزاز
ياوزير ثقافة المحروسه
ياأديب وقدير
إحنا عشمنا فــ معاليكم
بالود كبير
ويومها نشكر تلبيتك
وبذوق للشير
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.