كنت شايلك مابين عيوني
علشان كدا كنت شايف
كل حاجه حلوه ليك
ولما حطيتك ادام عيوني
بانت كل العيبه فيك
كنت باتحدي فيك اي حد
لو جابوا سيرتك باي عيبه
واحسبلهم في حسناتك واعد
اتارني كنت بخالف الواقع والحقيقه
خدت ايه من الكدب ومن الخداع
ومن الوهم واللعب بيا
مشيت لوحدك في سكة الضياع
وجاي تقولي انك كنت الضحيه
خلاص دموعك ما عادتشي تنفع
ولا هترجع حاجة تاني بينا
خليني افضفض واقولك كلام بيوجع
استحاله نرجع تاني مطرح ما كنا
بس ياريت تفكر وترجع للي فات
وافتكر مين علشان التاني ضحي
ارجع وقلب في الذكريات
يلا كفايه من الوهم فوق واصحي
كانت الحياه ما بينا حلوه وجميله
وكانت البسمة مرسومه فوق وشوشنا
كانت وعودنا قويه ومتينه
وياما السعاده فيها عشنا
وفجأه الاقيك حد تاني غير
ورايح تهزر وتلعب ويا الصحاب
وبرغم انك عارفني عليك باغير
ما عملتش للي مابيني وبينك حساب
خلاص روح يلا وكمل معاهم
طالما الحب ما بينا غاب
دا اللي حصل ما ينفعشي فيه تفاهم
ولا ينفع فيه حتي العتاب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.