أخر السنة 
🎅
🎅
عرفت ناس
وفارقت ناس
وفي الحقيقة ملقتش حد ؟
قابلت ناس
وعملت بيني وبين ناس
الف حد وسد ؟؟؟
عرفت ناس على اصلها
وعرفت نقطة ضعفها
ولما جيت اوصلها
ملقتش حد ؟؟؟
وفيت بقلبي لناس كتير
صحيت فى ناس ياما الضمير
لقيت معاملة وقسوة غير
بدل الهزار قلبت بجد ؟؟؟
قبلت ناس كانت غريبة
وأنهردا حبايب ..
وسبت ناس كانت قريبة
شفت منها عجايب ..
عرفت ناس كدابة
وقابلت خلق ديابة
وناس بقلة اصلها
ظلمت غلابة ..
وناس أتغير طبعها
بحسرة وندامة ..
وكل يوم بشوف كتير
بشوف وفارق ناس كتير
بس الغريب الكل قالى مع السلامة ؟؟؟
أخر السنة 🎅
🎅
عملت جرد لكل موقف عشت فية
ندمت ياما لكل خاين اخلصت لية
وفي النهاية بعترف
هعيش واموت وانا لسة بتعلم .....
حسن عز الدين 
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.