نفسي اتكلم براحتي
او اكون حر ف صراحتي
انتي دنيا ما ليكي غالي
تتعمدي دايما اهانتي
****
واللي حبك داق عذابك
خلتيه سطر ف كتابك
امتى يوم تصفيلي مره
او تحسي بيا جنابك
****
ليه تبيعي اللي اشتراكي
وقلتي مش من مستواكي
طول عمري بااسي منك
سبتي مجروح من وراكي
****
غيري الطبع اللي فيكي
شفت خير كان بين ايديكي
وانتي م الطيب بتاخدي
كل حاجه ف عمره ليكي
****
مين ياومني ولا يعاتبني
وانتي ف الاحزان بتبني
حزن ليا وفرح ليكي
نفسي همك يوم يسيبني
------
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.