بقلمي احمد الاسيوطى
*على ضهر الزمن*
كاتب على ضهر الزمن
ممنوع خيانتى
لو تعرفو انا ممكن اقتل
قلبى قلبى فيا واطفى ناركم
كنتو دايما تقعدو وتتكلمو
مش وراكم الا سيرتى
كل يوم كانت هموم بتزيد
ف قلبى عشان خاطركم
****
كنت برضى بظلمى دايما
وادوس على قلبي
واتحمل الكلمه اللى لو قلتوها
لحد غيرى ما تسلمو
كنت دايما احب اشوفكم
تضحكو واقول حبايبي
لو كنتو فاكرين بعدكم اعيش
ف نار تبقو لسه بتحلمو
****
الحب ورقه مكتوب عليها
بدمع عينى كرهتكم
لو تسمحولي اقولكم النار
ف جوفى لسه قايده
لو شفتو مره الغدر فيا
تعرفو انى سامحتكم
ساعتها اكون خطفت توب
الغدر منكم جت بفايده
****
الشاعر / احمد الاسيوطي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.