يا عشاق الجمال
إتلفتوا حواليكو.
هتلاقوا الأرض
مليانة بيه.
بص على أى طير.
هتستغرب أوى
على الجمال
إللى هوا فيه.
على فكرة..
جماله أساسا
مش ليك.
ده عشان
يعجب أليفه
و يلاغيه.
تابع وردة.
الصبحية بتفتح.
محتاج دفاتر
تدرس فيها و تشرح.
و إللى يحب الجمال .
فى الجمال يسرح.
لكن النبتة بتطرح.
و بناكل ثمرها و نفرح.
و الوردة ...
و ظيفتها إيه.
و ظيفتها
إن الواحد لما يشوفها
تتمتع عينيه.
و يسبح إللى بدعها.
و يسمع كلامه.
و فى فرحه ،
و فى حزنه،
يناديه.
و فككر بأه...
إللى إدا الورد ريحته.
رحابه يبقى ريحته إيه.
و إللى إدا الطير جماله
مين يلقى كلام
يوصف جماله بيه.
عجوز غاوى شعر
مرقص اقلاديوس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.