《دموووووع 》
بكى القلم ونعى
يوم العيد....
فرحة علينا تكتب
الوجع من جديد..
الدم فى الشوارع
سايل متحرم
فى كل دين
أيوه شهيد
أيوه شهيد يوم
العيد
أيوه السما
محتفلة
وهنصلي
من جديد فى
الكنايس فى الجوامع
مش هنخاف وعيد
فجروهم برضه
الشارع هيجمعنا
من جديد
دمنا مخلوط
وأوعى تفكر أنك تزيد
دايما فرقتنا
مجمعة كل يوم عيد
مش هنعي شهيد
ولا هقول وأزيد
دي محروسة
من رب العالمين
طول عمرها قوية
وعزمها شديد
صايننها بالروح
والدم ومش هنزيد
بدموعي أنعي
عيالها كل يوم وعيد
غير أن ربي
حاميك وياما
دقت عليك
طبول وبرضه
عزمك حديد
عزمك شديد
يا أم الدنيا ياغاليه
كلنا فداك فى كل يوم
وكل يوم عيد .......
°°°°°°°°°°°°°°°°°°°°°°°°°°°°°°°°°°
أحمد النجعاوي
Ahmed El Nagawy
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.