حكايتك ايه يا بلد
بقلم ناصر السيد عبدالرحيم
حكايتك ايه يا بلد
هو العطر يوم الجمعة
ما يحلالك إلا بدم ولادك
ولا انت حالفة على المية
ما تشربيها
ولا أرضك حالفة
ماترتوى الا بدمنا
ملعون ابو الإرهاب
اللى مزعلك منا
وحياة عنيك يابلد
لتريحى قلوبنا
وان كنا زعلناكى
حقك علي رسنا
هو الحزن مكتوب علينا
ولا انت بتحبى دمعتنا
ديما في يوم العيد
حكايتك ايه يابلد
ماكفايه الفقر كسرنا
والجوع خل البطون انشف من دماغتنا
ولا انت حبيتي تريحينا
حكايتك ايه يا بلد
ما تفهميني
هو انت حابة ولادك
ولا انت كرهتينا
ما تريحينا يابلد
ولا تكونى نسيتينا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.