أميرتى #عامية غنائية بقلمى/
سيبك منه د مفيش غيرى
أسمى فى الدنيا حكاية
مكتوب وكمان فى رواية
معروف بالعشق دراية
متوظف حر وغاية
مربوط بحبال ودوبارة
شايل على كتفى شيكارة
وبفرق عيش ع الحارة
مستنى أعيشها تجارة
واسرح ومعايا زمارة
وانده لبنات الحارة
واغمز لاميرة وجارة
وارمى شباكى وصنارة
والاقيك راكبة السيارة
انده على عيشة وجارة
واديك رغيف وامارة
وازمر فيك زمارة
والاقيك حدفتى شيكارة
مليانه آهات وخيارة
وتقولى بطلنا شطارة
روح رووح يا ابن قدارة
لحسن يلقاك حبارة
ياخدك قلمين فى الحارة
وعياطك ملو شيكارة
تتلم عليك الحارة
وقدارة تقول للجارة
وفضيحتك تملى الحارة
تنساني وتنسى الجارة
وتضيع فى العين يا إمارة
وتقول يا خسارة يا جارة
د أميرة فى الروح وعبارة
أميرتى# عامية.غنائية. بقلمى/إسماعيل مصطفى المحامى والشاعر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.