أنكتب عليا العذاب بقلم الشاعر / على الطاووس

أغنية...أنكتب عليا العذاب

ياحبيبي...

أنا أنكتب عليا العذاب... 

طول منا وياك...

عنيك زايغه ومش راسيه... 

على كل اللى حواليك... 

و بعنيا أنا شيفاك...

و لو فى يوم بعد عنى...

ويبعد عني قلبى...

ده بياخدنى لعندك...

و أدخل أنا بقى فى صراع...

صراع الحب و الحيره....

ضد الشك و الغيره...

اللى باشوفهم معاك...

و لمست أيدك...

بتقولى على هواك...

رعشة شفايفك...

بتبوحلى على اللى جواك...

طب ليه أتغيرت فيك ألأحوال...

كلامك بقى صامت...

مافهوش أى كلام...

محبوس على طرف لسانك... 

مش راضى و رافض...

يطلع منا ما أنا فهماك...

رافض ليه ينطق بكلمة بهواك...

لآنه عارف بأنك...

خلاص راح من جواك هواك...

و بتفكر أنت دلوقتى... 

تحب فى واحده تانيه...

ممكن طيب سؤال... 

طب هى تشبهلى...

ما أنا عارفه...

من غير ما تنطق...

باللى جواك...

أنا يا حبيبي...

أنا أنكتب عليا العذاب...

طول منا وياك...

مع تحيات شاعر الوجدان الشاعر السكندرى / على الطاووس