لو قلت#عامية هزلية بقلمى/
لو قلت انا عاشق مين يقبل
ويكون لى عشيق
انا أصلى جاى شرقى وبحرى
من هم وضيق
مستنى الشمس أما بتطلع
تبعتلى صديق
انا أصلا قاعد وف كهفى
بارسم لشفيق
باكتب له اسمى على كفى
يمكن يحتاجه لشقيق
والشمس ماشية ومش قاعدة
وبلاها نهيق
اكمنى راسم على قطه
قعدة فى طريق
بتقولى تعالى معاك بطه
وبلاش تلكيك
انا قلت نسيتها فى محطه
والقطر اخدها يفكيك
منعتنى أروح على بيتى
وقالت لى ف كهفك يارقيق
والهم كتر من ده ومن ده
وما جاش صديق
والقطر عدانى وسابنى
ورمانى حقيق
مين يقدر فيكم يسمعنى
ويجيب لى حبيب
انا أصلى عاشق مستنى
الشمس تغيب
والشوق يصطلنى من القعده
واعيش فى لهيب
وأتمنى حبيبى يعبرنى
ويجيب لى طبيب
ويجينى ومعاه كام وردة
وازازته مليانه بطيب
واتعطر واعملها محطه
واشتاق لحبيب
لو قلت انا عاشق بقه مرة
مين يقبل ويكون لى عشيق
يحكينى من الشوق والجرة
واحكيه انا من عشقى حليب
واسقيه انا من شرب الحرة
وبايدى ابعته لطبيب
وأزود أنا من عشقى شويه
وأجنه ومن شوقى يغيب
لو قلت#عامية هزلية.بقلمى/إسماعيل مصطفى المحامى والشاعر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.