أعقل يا ولدي
بقلم . شحات عثمان كاتب و محام
مالك يا بلادنا مشاكلك كتير
والتار فيكي موال ومشوار
مشوار مرير
وثوب غدار
المتغطي بيه والله عريان
وليل ما طالع ولا باين ليه نهار
أعقل يا ولدي وراجع حساباتك قبل فوات الأوان
الرصاصة ثمنها لقمة أولى بها فقير غلبان
الفقير ممكن يدخلك جنة الرحمن
بس الرصاصه هتيتم بيها العيال
وهتاخد بيها شباب ممكن يعمر أوطان
مالك يا بلادي من الأمير للغفير
الروح فيكي رخيصه وسعر الأكل نار
ما هو لو قانون جبار
وإعدام يروي قلب مظلوم عطشان
ويرجع معاهم كبير عائلة
وقت الجد يقول أرجع العيال
ممكن يتغير الحال
ما هو الدين قالها من زمان
جادلهم وعامل الناس بالإحسان
يا بلادي كفاية دم
ده هَمْ
والله فى الكون ما يتْلّمْ
وأنا كاتب وصعبان عليا الدم
واردد يوماتى ليلاتي
ملعون أبوك يا جهل
ملعون أبوك يا كفر
ملعون أبوك يا علم ما تعرف تلِمْ
ولسه باقي عندي أمل
الحال يتغير والهم يتلم
وبتمن الرصاصه نعمر وطن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.