قصائد قصيره (17) *** بقلم السيدابوطاحون
*********
قلبي اللي سلم بين ايديك
من لحظه شاف فيها عينيك
واقف على شط الهوى مجنون
ونبضه بنبضه بينادي عليك
*نبضه بنبضه
*********
يجعل صباحنا جميل
على اللي قلبه يميل
العشق طول عمره غالب
من غير ندا او دليل
همسة حبيبي اللي غايب
تصحي قلبي العليل
*همسة حبيبي
*********
عيون الحلوه بتسلم
وتتالم وتتكلم
تشبعني ملاغيه
تعلمني وتتعلم
*ملاغيه
*********
صباح جميل جدا
و الورد قام يدن
الديك دخل قلبي
انا قلت له خبى
و لو فضح حبي
انا أذبحه حدا
*حدا
*********
بعت قلبى الصبح بدرى
سلم لى على ست البنات
اتبسمت وقالت له أجرى
و رد لي ب احلى مغات
*مغات
*********
صباح الجمال
اللي فاق الخيال
وخللى العيون
تهز الجبال
*العيون
*********
صباح الورد بينادي
على العشاق بصوت هادي
يقوم قلبي ومن بدري
يجيب الورد ويهادي
يابحر الحب فهمني
ليه ورد الصباح نادي
*الندى والورد
*********
انا المجنون على بابك
أنام وأقوم ومستني
تطلي عليه بعيونك
نعيش الرقصه ونغني
*المجنون
*********
تمر شفايفك الحلوه
تبوس والبوسه تسكرني
ولما تصهلل الغنوه
أخاف العشق يقتلني
*الشفايف
*********
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.