شعر / عادل عبد الرازق
----------------------
... وباودّع فيكي
--------------
وباودّع فيكي ...
ولا قادر ارميكي
من قلبي وعمري
وباحنّ إليكي
رغم خيانتك ليّا لسه باحبك
ولا يفرق إني أكون عبدك
ولا يفرق إني أكون ربّك
ولا شايف نفسي غير جوّه عينيكي
وباودّع فيكي ...
ولا قادر ارميكي
من قلبي وعمري
وباحنّ إليكي
ومشيتي من طريق
ومشيت انا من طريق
وبنتكلّم ولكن ...
صديق يعؤق صديق
وواخدانا الدوّامات
قي اللي راح واللي مات
والدمع لون الذكريات
وبتفترق إيديّ عن إيديكي
وباودّع فيكي ...
ولا قادر ارميكي
من قلبي وعمري
وباحنّ إليكي
وارميكي ازاي زانتي ملامحي
وباشوفك في دروبي ومطارحي
وحتى ان جرحوني بتكوني جرحي
ولا عايش دنيايا غير بيكي
وباودّع فيكي ...
ولا قادر ارميكي
من قلبي وعمري
وباحنّ إليكي
مش عارف ازاي
أنساكي وانسيكي
***
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.