لسه القصائد ممكنه *** بقلم السيدابوطاحون

لسه القصائد ممكنه *** بقلم السيدابوطاحون
*********

لسه المشاعر
ماليه القلب ع الآخر
لسه القصايد ممكنة ..
و متمكنه
*********
مين زينا
30 سنه
والشعر هاجر حينا


30 سنه
والورد هربان مننا

30 سنه
والناس عنيها ع السما
متعشمه و خايفه الخطر
يوصل جبال المرحمه
ويهد أحلام المطر

30 سنه
والخيبه ترقص
ف الشوارع والحارات
ف البوادي والحضر

30 سنه
من غير قمر
ولا عاد مخاوى البحر
غير سمك اليهود
يظهر في يوم السبت
والصيد الحرام..
ويطير قوام
لحته ضلمه مبهمة
والمغرمه غرقت
ف بحر ما لوش قرار
بتشد ابواب النهار !

30 سنه
والنجمه خايفه
ف السما
ومتلجمه
والقلب بيدق انما
مع كل دقه مظلمه

30 سنه
وفجأة
بان الموج
في قلب الميدان
امتي يا ست الكل
يتعدل الميزان
يحضني حقي
في الجنان
والحنان
و الاوسمه !
*********
#لسه_القصايد_ممكنه
#الاخنوم
#السيدابوطاحون