(146)
يا جميلة
_________
اللي خانك لسه ساكن
جوه قلبك
واللى عاشق لون عيونك
تاه فى دربك
واللى سافر
واللى هاجر
واللى كان
موهوب و شاطر
نسيوا خالص
حلم قربك
ما انتي وعدك لينا طار
واختفت شمس النهار
والتقينا
حلمنا وسط الحصار
شدوا إيدك
رحتي ماشية
خانوا عيدك
وانتي شايفة
واللى جارح قلبي منك
طول سكوتك
هاتي كل الحمل عنك
على صوتك
واطردي القلب اللي خان
وارسمى بر الأمان
يا جميلة
يا كحيلة
ليه تعيشي فى الهوان
رمش عينك
لو يشاور راح يشوف
مدى إيدك
تلقى م العشاق ألوف
يصنعو أجمل كيان
يخدموكي مدى الزمان
يا جميلة
بس سيبك م اللى خان
بس سيبك م اللي خان
_________________
شعر /محمد الشرقاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.