زعل
يا ليل كافي سهر
يا ليل بهوي محتار
سافرحبيبك بعجل
كلا بالجرى والصار
ماظل عمر يا ليل
تعبني طول انتظار
اسهر مع النجم
وعيك منا اغار
ابيتي ابد ما ابات
بيتك صارلي تذكار
ما شبعت منك شوف
الحجي وياك شختار
احن عليك كل الوكت
واحسب ليلي نهار
تعبني دربك عثر
وقلبي عليك مثل النار
لاتكول راح ابتعد
تدري الفراك سجّار
ما اكدر انساك يا رويحتي
اسال قلبي شختا ر
ارتجي وصلك تجيني
ونحجي حجي سمار
هلبت تجني الفجر
لو تنتظر خطار
انت وزماني عليّ
صرت ثايه كومه احجار
كافي منك زعل
صدكني منك خاليه الدار
تدري من تزعل اطك
موت بقهر لو انتحار
تدري الفركه قهر
صعبه شتريد شتختار
انتظر سحورك اشوكت
لوا انتظرك بالافطار
لا تخلي الناس تشمت
العمر ما يسوا انتظار
تعال ،،اني احبك ما انساك
بعد الوعد والعهد جبار
لا تكول بعديش ترجع
قلبي من الصدود محتار
اترجاك كافي زعل
هي الدنيا تسوا تحتار
م\ احمد حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.