***** عزاء بطل *****
********************
خلص العزا .. واتقبلوا الناس
الألم
سلموا علي بعض تاني .. والبقيه
ف العدم
صرخة حبايبوا قطعت .. توب السكات
قاعد أبوه على جنب حيطه
افتكر كل اللي فات
قام شق توبه
علي ابن مضروب بالرصاص
والأم تايهه وتقول
خلاص
بدم بارد .. مضروب ف صدره
وبطلقتين زي النجمتين
عل الراس
ابني وغاب .. كان حب عيني
كان ضي ليلي
ملعون ابوك ... ملعون أبو اللى يساند
الإرهاب
بيقولوا باين رتبته
كانت شاويش
والأخت تصرخ وتقول أخويا
كان بطل ف
الجيش
والعمه تجري ورا نعش البطل
تصرخ تقول ياناس
بشويش
ماتستعجلوش كان نفسي ابوسه
ع الجبين
والخاله مزهوله تقول
ده شباب
ياخسارة البطل لما يدفنوه
ف تراب
ملعون ابوك .. ملعون أبو اللى يساند
الإرهاب
وولاد عمامه م العياط متقطعين
هما انتوا فاكرينهم
ميتين
دول شهدا ياكلوا ويشربوا
ومخلدين
ابكي ياعين .. بس ع الغياب
ملعون ابوك .. ملعون ايو اللي بيساند
الإرهاب
*************
على أحمد عبد الجليل
*************
2/ 6/ 2017
*************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.