أغنية بعنوان(يانجمتي)
بقلم الشاعر(عرفات الامير)
مصر قنا المراشدة/٢٠١٧/٦/٧
==============
يانجمتي ضوي في سماي
الليلة ديا غالية عليا
يانجمتي باركي هواي
وخليكي معاي هنا شوية
يا نجمتي حسك معاي
إيديه خلاص هاتمسك إديا
عاوز سماكي كلها نور
ورقصي بنات الحور
خلي القمر يغني غناه
غناوي يملاها ا لسرور
ورددي يلا وياه
وسمعي نجوم الكون
حبيبي قرب خلاص لقاه
هايرجع البسمة لحياتي
واملي عيني من جماله
واطفي ناري واشتياقي
والقمر ياخده مكانه
ويدوق معاي من حناني
عشان حبيبي زايد جماله
بيحسدوني يا ناس عليه
وكلهم بيغيروا منه
وبيقولوا غزلاني عنيه
وانا ماليش غيره وسواه
يانجمتي ضوي في سماي
يانجمتي باركي هواه
===================
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.