مالِك ؟
____
وكام مرة أقول مالك !؟
وأحكيلك علي وجعي
وليل الغربة في غيابك
مفيش في عنيا غير صورتك
أنا عاشقك ...
ده مين في الدنيا دي ليا
يا أغلى الناس يا ظلماني ...
صبرت كتير على عنادك
وحيرة قلبي وعذابك
عشان سعدك بدوق المر!
وليه المر يحلالك ؟!!
وكام مرة أشوف حالك ...
وأشوف الكدب ف كلامك
تضميني لأحضانك .. تجاوبيني
وألاقيني ..
نسيت الهم بوصالك !!
وكام مرة أقول مالك !؟
وليه يقتلني ترحالك
وليه قلبي يبات مكسور
بيتلهف علي سؤالك
حبيبة روحي أكيد انتي
وأغلى الناس صحيح كنتي
لكن تيجي علي قلبي
هسيبه يموت بإهمالك ...
...
وليد المصري
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.