حلمنتيشي
بقلم رمضان بر
هكتب حلمنتيشي وحروف ساقطه
قوافي والسجع المنقوص ف سطوري
ايه يتعبني واكتب واشطب واعدل
واقرأ واتعب في عنيا وعروض والوزن
وحكايه صعبه عليا
وهزود في حروفي بنجور وكمان
ميرسي وهغني من غير اوتار
هلعب بالنار هغزل في حروفي
جوه خيوط الاعذار
هقلب في الحرف واعدل فيه واثنيه
هلعب في دماغه وافكاره
وارسم في وشوشه سرياني وهعصب في عينيه
وأكتب افيه والنكته اللايقه يا بيه
وهسمع في اغاني هابطه ومش مفهومه هتمرد ع الصح
وهبطل اسمع ثومه هتشاقي والغبط
كل الموازين جوه دماغي بتتشقلب
لا انا فاهم ولا حاسس ولا حتي معرفتي بكل الاحوال باتت من غير جرح
اتجرح الفهم والمعلومه والسمع والشوف حتي خطاوينا المرسومه
ردمها التوهان ونسينا الفرح
تايه جوه حروفي ؟ توه
ايه عندك مفهوم لا انا فاهم ولا لازم
تفهم
اعتبرها تتاله حروف ماهي كل حياتنا راحت لتتاله حياه
والحلمنتيشي جميل ع الريق
بدعه عم شفيق
عارفه دور وابحث
هتلاقي الحلمنتيشي شعر زمان
فسر ف زمان بالسخريه والافيه
عملوا منها بركان
وياريتك تفهم
لما وجودك يتشاف هتلاقي الفهم المركون ع الرف لقي بر امان
ولحد ما نفهم خليك معايا من غير فهم
بقلم رمضان بر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.