***مين حبيبك ***بقلم /خالد والى
ياحروف الكلام دليــــــنى
عايز اكتب كلام فى الحب
عايز اكتب كــــلام صافى
يكون حرفه ف عمق القلب
ومشاعر تكــــــــون دافيه
لا رياء فيهــــــا ولا كدب
حرف الالـــــــــــف قالى
اقرأ كتـــــــــــــاب الرب
دور فى فصــــــل الربيع
لملم زهور الحـــــــــــب
واسأل طير فــــى السما
حاضن وليفه فى السرب
قلت يانــــــــــاس الغرام
أصله فى قلـــــــــب أمى
هى اللى نبـــــــــع الحياه
هى اللى تشـــــــيل همى
لو قلت يـــــــــــــوم الاااه
تقول أااهــــــــك بتئلمــنى
ولو نزلت منــــــــى دمعه
تقول مالك ياحـــــــته منى
سلامتك سلامــتك ياحـبى
ياساكن العيـــــن والننـــى
تهون الحياه من بــــــعدك
ولا تسوى لو بعـدت عنى
طيب
قوليلى ازاى أكــــــــرمك
وانتى عطــــــــــــاء ربى
اجيبلك أيــــــــــــه بقيمتك
وانتى نعــــــــــــيم قدرى
وشرط دخـــــــــول جنته
على العبــــــــــاد ترضى
قالت لى أقصــــــى المنى
ويبقى يــــــوم سعــــــدى
انى أشوفـــــك بخـــــــير
ونلت فيــــــه وعــــــدى
بحر فيـــــاض بالمشاعر
من غيره يضيــع عمرى
ويقولوا مين حبــــــــيبك
انا عارفه من صغر سنى
امى ولا حــــــــد غيرها
امى ثم امـــــــــى ثم امى
*******************
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.