هكتب الحان
عن حب كان بينا زمان
واي اللي غير الاحوال
و اي كان سبب الفراق
بعد اللي كان انت عرفت
كيف ترميني في بحر
من الحرمان بس والله
لانسي اللي كان
واعيش لنفسي زي زمان
ولو حبيت ترجع تاني
قول للزمان ارجع يازمان
وانا هرجع اكتب قصص
وحكايات زي اللي كانت
بتحكي عني شهر زاد
عشان انسي اللي فات
وانسي الليل اللي
سهرنا سوايه
وكنت فاكرك انك دواء
لكن انت ضيعت الحب اللي كان
وعجبا علي اليل اللي طال
كنت فاكره هيكون هادي
لكن ياما سهرت الليل
اصرخ ونادي عليك وانا
على الوساده وكنت
فاكراك حبك ليا زياده
لكن كان حبك عادي
وساعات زي القهوه ساده
وانا ياخسارة حبتك حب موت
لكن انت عرفت كيف ترميني
في بحر عينيك وتسافر ومن غير
ما تقول وانا فضلت اصرخ
بعلو الصوت واقول
ارجع لقلبي وعود واقولك
انا بحبك مجنون لكن انت
كنت بغيره مفتون
وانا كنت فاكراك نور العيون
اللي بشوف به غدر الزمان
والان بعد اللي صار انت
ماعد لك في قلبي مكان ولازم
انسي الاحزان وافضل
اكتب أشعار
عن وجع الصبر ودمع
وحنين العاشقين
لاجل الناس تعرف من
فينا اللي اختار وخان
ومن غير اعذار
بقلم الشاعرة زينب امين قنديل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.