أول ما شفتك بقلم ملك الأصفر

قصيدة باللهجة العامية الشامية ... بعنوان ...أول ما شفتك ... بقلمي ...
....................................................
قال لي
أول ما شفتك حلوتي
عقلي بجمالك طار
خلاني سحر العين دوب
وقلبي معاك احتار
والنار شعلت بالقلب
والشوق عم يكبر
اكتبتلك قصايد شعر
من أجمل الأشعار
...................
وصار بدي شوفك حلوتي
تا خبرك شو صار
واهديك شالة معطرة
بالمسك والعنبر
وقدملك أحلى تحية
وباقة ورد أحمر
وقلك يا أحلى صبية
إنت الحلا وأكتر
.......................
إنت جمال الكون
ومن نظرة عيونك
السحر عم يطل
والقلب مرهونك
خفيني بقلبك هون
ما بخيب ظنونك
بحبك ع طول العمر
وبعيوني رح صونك
.................................................
ملك الأصفر