مُدَبرْ الأمور بقلم الشاعر شحات خلف الله

مُدَبرْ الأمور
خاطرة نثرية ¶
بقلم . شحات خلف الله كاتب ومُحام

يا مُدبر الأمور ....
وصلت معايا الحُلقومْ ...
دوماً أقـول يا غفُور....
وصبر أيوب معايا دستور .....
بأرسم البسمة وجواى مقهور .....
بأطلع الضحكه من وسط الجُحُور.....
تمثيل وأفلام حتى نظرة العيون.....
يا ترى أنا مُنافق ولا مجبور .....
ما هو المجبور برضه معذور .....
قالوا الصبر زينة العاقلين ....
وهتتعدل ما دام فى الروح يقين ....
وأدينا مع الصبر متلازمين .....
طالت الليالى والقمر فيها حزين ....
لا نافع معاها شمال ولا يمين .....
حتى كمان لو مشيت عكس السير ...
صحيح الصبر صَباَر ومراره قَرين .....
بس ما فيش بديل غير الرحيم ....
سلم أمورك ليه وقول يا كريم ....
أرحم عبد ضعيف كان مغرور ......
كان فاكر الدنيا دايمه وأخرها سرور ....
ضاعت أمانيه لما أفتكر إنه خلاص مشهور ....
ولما أفتكر إن أذان الفجر معناه شق النور ....
أتاريه كان سراب فى أخر الليل .....
ملحوظة . الموقف لا يمثل الكاتب كحالة شخصية بل ترجمة لحالات الكثير .