#تاعس_متعوس مواطن منحوس
تاعس متعوس
حب يلون زمته كطاووس
مالاقاش ألوان
دخل يصلى ركعتين
سرقوا الجزمه
ما هو هلف و عاله
مالوش لازمه
و لا صوته مسموع
نزل التحرير
قال عيش و ضمير
و كرامه م اللى بيسمع عنها
فى كتب التواريخ
مالاقاش غير سيخ
محمى فى صرصور ودنه المعموله
من طين و عجين
خاف قوى م السين
و اللى بيحصل بعد التحقيق
ولاعة المحروس بتكتك
على قفا حضرته
خاف على سكته
لتضيق غصب و تتملى أوغاد
فكر يصطاد
طلع النيل مش مليان ميه
و لا سمكه كريم
النيل هبه بس هبه مهاجره
و مش ناويه رجوع
الندل وعدها و سابها بتشتكى مر النوح
مواطن مدبوح
و اﻹسم بيحلم مستقبله
يطرح مطروح
حب يخضر لون صحاريها
بشجر و حشيش
يزرع لقمته يصنع هدمته
و يبطل إيد مولاه يبوسها
محتاس حوسها
و ملبوس عفاريت
كل المواويل مكتوبه ع الحيط
فى المعتقلات
مواطن كان نفسه فى بيته يبات
أرضه يدوسها
إشتكى توشكى لعباس و عويس
مالاقاش له دوا
مواطن مش لاقى حتى الهوا
و أحلامه كابوس
تاعس متعوس
حب يلون زمته كطاووس
مالاقاش ألوان
دخل يصلى ركعتين
سرقوا الجزمه
ما هو هلف و عاله
مالوش لازمه
و لا صوته مسموع
نزل التحرير
قال عيش و ضمير
و كرامه م اللى بيسمع عنها
فى كتب التواريخ
مالاقاش غير سيخ
محمى فى صرصور ودنه المعموله
من طين و عجين
خاف قوى م السين
و اللى بيحصل بعد التحقيق
ولاعة المحروس بتكتك
على قفا حضرته
خاف على سكته
لتضيق غصب و تتملى أوغاد
فكر يصطاد
طلع النيل مش مليان ميه
و لا سمكه كريم
النيل هبه بس هبه مهاجره
و مش ناويه رجوع
الندل وعدها و سابها بتشتكى مر النوح
مواطن مدبوح
و اﻹسم بيحلم مستقبله
يطرح مطروح
حب يخضر لون صحاريها
بشجر و حشيش
يزرع لقمته يصنع هدمته
و يبطل إيد مولاه يبوسها
محتاس حوسها
و ملبوس عفاريت
كل المواويل مكتوبه ع الحيط
فى المعتقلات
مواطن كان نفسه فى بيته يبات
أرضه يدوسها
إشتكى توشكى لعباس و عويس
مالاقاش له دوا
مواطن مش لاقى حتى الهوا
و أحلامه كابوس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.