بيقولوا البعد جفا
بعدك وصال وحب
لو غبتي عني سنه
لساكي ساكنه القلب
لو بينا بعد السما
قلبي أسير القرب
أصل البعيد عن العين
هو القريب م القلب
لو بينا مليون باب
قلبي ليهم حارس
اتحدي أي عذاب
وربنا الحارس
يا ساكنه في المحراب
واقف باعتابك
طمعان تواربي الباب
واتمشي في رحابك
واحلف فؤادي تاب
إلا عن ادمانك
مدمن يا خلق الله
وادماني ف هواها
نفسي انول لله
لحظة محياها
هي الدوا والاه
موصوفلي لقياها
اتطبب م الهوا
واعتل واهواها
#نداء_العمر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.