حدد هدفك.."مبروك علوه"

( حدد هدفك )
أرسم حلمك بشعاع نور
حدد هدفك بين السطور
قاوم اليأس بكل إراده
هتقدر تجتاز الف سور

خطي الشوك وعدي جبال
سابق الريح وعوم في بحور
ازرع أملك وسط اليابس
بلاش ترميه في أرض بور
خليك صقر وطير في السما
ورفرف لو بجناح مكسور
اهزم ضعفك بلاش إحباط
خليك اسد في غابه جسور
علي الهمه قوي عزيمتك
دوس علي الصعب وعارض الزور
انزع الخوف من جوا صدرك
اقف للظلم وقول له غور
غير حياتك وامشي صح
حول مصيرك من ضلمه لنور
إبدأ طريقك وأحسب خطاويك
وأبعد عن أي طريق محظورة
☆☆☆☆☆☆☆☆☆؛
مبروك علوه