*** يادنيا ***
يادنيا خديني في حضنك وضميني
يادنيا إسقيني من حنانك ولا تسبيني
يادنيا ياللي الكل بيرمي اللوم عليكي
ويطلعوا العيب كله فيكي
أنا من البشر.. من الدنيا
أنا اللي حاسس بيكي
غلبانه واحنا اللي قويين
وبنظلم فيكي..
يادنيا
دا الحزن والآسي
والفرح والهنا
احنا بإدينا بنعملهم
ونقول آه يازمان
وبإيدينا بنكسر قلوبنا
ونقول مالكيش آمان
ويضيع الحب مننا
ونقول روح يازمن
عليك السلام..
ليه كل من مشي في الطريق وتعب
ورجع ل حبيبه ولائاه غدر
يقول الدنيا..
ليه كل من عاش حياته يخالف القدر
ولائي عمره بيعدي منه هدر
يقول الدنيا..
العيب فينا..... مش في الدنيا
دا الدنيا فانيه
وبنقوي عليها في ثانيه
واحنا اللي ماشيين فيها
بنجرح وبنظلم
ونقول ومانقولش
نعيد ونزيد
وبرده مابنرجعش
عن اللي فكرنا
ونقوووووووول
ان الدنيا مابترحمش
مظلومه يادنيا....
ماهر البساطي..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.